ജീവിതത്തിൽ നമ്മുടെ പ്രയാസങ്ങൾ Struggles of our life

 

coffee-potato

 

മൂല്യം—ശുഭ  പ്രതീക്ഷ

ഉപമൂല്യം ——മനോഭാവം

ഒരിക്കൽ  ഒരു  മകൾ  അച്ഛനോടു  പരാതി  പറഞ്ഞു —-“എന്റെ  ജീവിതം  വളരെ  ദുരിതകരമായിരിക്കുന്നു . ഒരു  പ്രശ്നം  ശരിയായാൽ  ഉടനെ  വേറൊന്നു  വരുന്നു .എല്ലാ  സമയവും  പൊരുതി  പോരാടി  മടുത്തു .”

പാചകക്കാരനായ  അച്ഛൻ  അവളെ  അടുക്കളയിലേക്കു  കൊണ്ടുപോയി .അദ്ദേഹം  മൂന്നു  കലങ്ങളിൽ  വെള്ളമെടുത്തു  അടുപ്പത്തു  നല്ല  തീയിൽ  വെച്ചു. കലങ്ങളിൽ  വെള്ളം  തിളക്കുവാൻ  തുടങ്ങിയപ്പോൾ  ഒരു  കലത്തിൽ  ഉരുളക്കിഴങ്ങുകളും രണ്ടാം  കലത്തിൽ  മുട്ടകളും  മൂന്നാം കലത്തിൽ പൊടിച്ച  കാപ്പികൊട്ടകളും  ഇട്ടു .അദ്ദേഹം  മകളോട്  ഒന്നും  മിണ്ടാതെ  അവ  തിളക്കുന്നതു നോക്കിനിന്നു . മകളും  അക്ഷമയോടെ  പിറുപിറുത്തു  കൊണ്ട്  അച്ഛൻ  ചെയ്യുന്നത്  നോക്കി  നിന്നു.20  നിമിഷങ്ങൾക്ക്  ശേഷം  തീ  കെടുത്തി  കലത്തിൽ  നിന്ന്  ഉരുളക്കിഴങ്ങുകൾ  പുറത്തെടുത്തു  ഒരു  പാത്രത്തിൽ  വെച്ചു. മുട്ടകൾ  പുറത്തടുത്തു  ഒരു  പാത്രത്തിൽ  വെച്ചു.  പിന്നീട്  കാപ്പി  പൊടി  നല്ലവണ്ണം  ഇളക്കി  ഒരു  കപ്പിൽ  ഒഴിച്ചു.

മകളെ  തിരിഞ്ഞു  നോക്കി  ചോദിച്ചു —– മോളെ  നീ  എന്താണ്  കാണുന്നത് ?

ഉരുളക്കിഴങ്ങുകൾ , മുട്ടകൾ, കാപ്പി — അവൾ  ഉടൻ  ഉത്തരം  നൽകി .

ഒന്ന്  അടുത്തു  ചെന്ന്  നോക്ക് —-അച്ഛൻ  പറഞ്ഞു . അടുത്തു  ചെന്ന് ഉരുളക്കിഴങ്ങുകൾ  തൊട്ടു  നോക്ക്.അവൾ  തൊട്ടു  നോക്കി. അവ  വളരെ  മൃദുലമായിരുന്നു.ഒരു  മുട്ട  എടുത്തു  പൊട്ടിച്ചു  നോക്കാൻ  പറഞ്ഞു . പൊട്ടിച്ച  ശേഷം നല്ല  പാകം  വന്ന  കെട്ടിയായ  മുട്ട  കണ്ടു .ഒടുവിൽ  കാപ്പി  ഒന്ന്  കുടിച്ചു  നോക്കുവാൻ  അച്ഛൻ  പറഞ്ഞു .അതിന്റെ  സുഗന്ധമായ  രുചി  അവളുടെ  മുഖത്ത്  പുഞ്ചിരി  കൊണ്ട്  വന്നു .

ഇതിന്റെ. അർത്ഥം  എന്താണ്  അച്ഛാ ? അവൾ  ചോദിച്ചു .

അച്ഛൻ  വിശദീകരിച്ചു —ഉരുളക്കിഴങ്ങുകൾ , മുട്ടകൾ , കാപ്പിപ്പൊടി  എല്ലാം  ഒരേപോലെ  ചൂടു  വെള്ളത്തിൽ  ദുരിതം  അനുഭവിച്ചു . പക്ഷെ  ഓരോന്നും  വ്യത്യസ്തമായി  പ്രതികരിച്ചു .കഠിനമായ  ഉരുളക്കിഴങ്ങുകൾ  ചൂടു  വെള്ളത്തിൽ കിടന്നതോടെ  ക്ഷീണിച്ചു  മൃദുലമായി  പോയി . വളരെ  നേരിയ  തൊണ്ടുള്ള  ലോലമായ  ഉള്ളിലെ  വെള്ളത്തിനെ  രക്ഷിക്കുന്ന മുട്ട  തിളച്ച  വെള്ളത്തിൽ  കിടന്നതോടെ കഠിനമായി  തീർന്നു .പക്ഷെ  കാപ്പിപ്പൊടി  തിളച്ച  വെള്ളത്തിൽ  കിടന്നതോടെ  ഒരു  അസാധാരണമായ  രൂപം  കൊണ്ട്  വെള്ളത്തിന്റെ  നിറം  തന്നെ  മാറ്റി  ഒരു  രുചികരമായ  പാനീയമായി .

ഈ  മൂന്നിൽ  നീ  എന്താണ് ?  അച്ഛൻ  ചോദിച്ചു .വിപരീത  പരിസ്ഥിതിയെ  അഭിമുഖീകരിക്കുമ്പോൾ  നീ എങ്ങിനെ  പ്രതികരിക്കും? നീ  ഒരു  ഉരുളക്കിഴങ്ങാനോ ? ഒരു  മുട്ടയാണോ ?അല്ലെങ്കിൽ  സുഗന്ധവും  രുചിയും  പകരുന്ന  കാപ്പിയാണോ ?

ഗുണപാഠം —–

നമ്മുടെ  ജീവിതത്തിൽ  പലതും  സംഭവിക്കുന്നു  പലതും കാണുന്നു . പക്ഷെ  അവയെ  എങ്ങിനെ  അഭിമുഖീകരിക്കുന്നു  എന്ത്  ചെയുന്നു  എന്നതാണ്  നോക്കേണ്ടത് . ജീവിതം  തന്നെ  സാഹചര്യങ്ങളിൽ  നിന്നു  പലതും  പഠിക്കുന്നതും , സ്വീകരിക്കുന്നതും , പരിവർത്തനം  കൊണ്ട്  വരുന്നതുമാണ്.അത്  ഒരു  യഥാർത്ഥ  അനുഭവം  തരുന്നു .

ശാന്ത  ഹരിഹരൻ .

 

 

 

Advertisements

ഗുരുവിനോടുള്ള സ്നേഹം .Love for one’s master

 

മൂല്യം —-സ്നേഹം

ഉപമൂല്യം ——ഭക്തി , ബഹുമാനം

 

ഈ  കഥ  അമീർ  ഖുസ്‌റോവിന്  ഗുരുവിനോടുള്ള  സ്നേഹവും  ഭക്തിയും  കുറിച്ച്  പറയുന്നു .ഒരിക്കൽ  ഗുരു  ഹസ്രത്  നിസാമിന്റെ  പ്രശസ്തിയും  ദാനശീലതയും  കുറിച്ച്  കേട്ട് ഇന്ത്യയിലെ  ദൂരെയുള്ള  ഒരു  ഗ്രാമത്തിലിരുന്നു  ഒരു പാവപ്പെട്ട  മനുഷ്യൻ  ധന  സഹായത്തിനായി  അദ്ദേഹത്തെ  സമീപിച്ചു .ആ  സമയത്തു  നിസാമിന്റെ  അടുത്തു  ഒരു  ജോഡി  പാദരക്ഷ  മാത്രമേ  കൊടുക്കുവാൻ  ഉണ്ടായിരുന്നുള്ളു. നിരാശ  തോന്നിയെങ്കിലും  ആ  പാവപ്പെട്ട  മനുഷ്യൻ  പാദരക്ഷയും  കൊണ്ട്  സ്വന്തം  ഗ്രാമത്തിലേക്ക്  യാത്രയായി.

പോകും വഴി  അന്ന്  രാത്രി  ഒരു  സത്രത്തിൽ  താമസിച്ചു . അതെ  സമയത്തു  അമീർ  ഖുസ്‌റോവും  തന്റെ  വ്യാപാര  യാത്ര  കഴിഞ്ഞു  ബംഗാളിൽ  നിന്നും  മടങ്ങും  വഴി  അതെ  സത്രത്തിൽ  താമസിക്കുവാൻ  വന്നു.  അമീർ ഖുസ്‌റോ  ആ  കാലഘട്ടത്തിൽ  ഡൽഹിയിൽ സ്വർണവും  വിലപിടിച്ച  കല്ലുകളും  വ്യാപാരം  ചെയ്യുന്ന  ഒരു  അറിയപ്പെടുന്ന  പൗരനായിരുന്നു .

അടുത്ത  ദിവസം  രാവിലെ  ഉണർന്നപ്പോൾ  അദ്ദേഹം  എവിടെന്നോ  സ്വന്തം ഗുരുവിന്റെ  സുഗന്ധം  വരുന്നത്  ഉണർന്നു. ആ സുഗന്ധത്തിന്റെ  ഉറവിടം  കണ്ടുപിടിച്ചു .  ആ  പാവപ്പെട്ട  മനുഷ്യനോട്. ചോദിച്ചു —- ഡൽഹിയിൽ  പോയപ്പോൾ  എന്റെ  ഗുരു  ഹസ്രത്  നിസാമുദിനെ കാണുവാൻ  പോയിരുന്നുവോ?

ആ  സാധു  മനുഷ്യൻ  സമ്മതിച്ചു .വലിയ  പ്രശസ്തി  കേട്ട  ഗുരു  ഹസ്രത്  നിസാമുദിനെ  കാണുവാൻ പോയിരുന്നു. പക്ഷെ  പണത്തിനു  പകരം  ഒരു  ജോഡി  പഴയ  പാദരക്ഷകളാണ്  അദ്ദേഹം തന്നത്  എന്ന്  നിരാശയോട്  പറഞ്ഞു .

ഹസ്രത്  അമീർ ഖുസ്‌റോ  ഉടൻ  തന്നെ  തന്റെ  മുഴുവൻ  സമ്പത്തും  കൊടുത്തു  ആ  പാദരക്ഷകൾ  തരുവാനായി  ആ  പാവപ്പെട്ട  മനുഷ്യനോട്  ആവശ്യപ്പെട്ടു . അവൻ  പാദരക്ഷകൾ  കൊടുത്തു .വിചാരിക്കാതെ  കിട്ടിയ  സമ്പത്തിനു  വേണ്ടി  ഖുസ്രോവിനോട്  വീണ്ടും  വീണ്ടും നന്ദി  പറഞ്ഞു  സന്തോഷത്തോടെ  അവിടെന്നു  പോയി .

അമീർ  ഖുസ്‌റോ  ഗുരുവിന്റെ  അടുത്തു  വന്നു . പാദരക്ഷകൾ  ഗുരുവിന്റെ കാലടിയിൽ  വെച്ച് . തന്റെ  മുഴുവൻ  സമ്പത്തും  ഈ  പാദരക്ഷകൾക്കു  വേണ്ടി  കൊടുത്ത വിവരവും  പറഞ്ഞു.

ഗുരു  ഹസ്രത്  നിസാമുദിൻ  പറഞ്ഞു—- “ഖുസ്‌റോ  ഈ  പാദരക്ഷകൾ  നിനക്ക്  വളരെ  ലാഭത്തിൽ  കിട്ടി .”

ഗുണപാഠം ——-ഒരു  ശിഷ്യന്  ഗുരുവിനോടുള്ള  സ്നേഹത്തിന്റെ  ഉത്തമ  ഉദാഹരണമാണ്  ഈ  കഥ .ഗുരുവിന്റെ  പാദുകയാണ്  ഒരു  ശിഷ്യന്  ഏറ്റവും  പുനിതമായത്.      അഹംഭാവം  കളഞ്ഞു  എല്ലാം  ഗുരുപാദത്തിൽ  സമർപ്പിക്കണം  എന്ന  പാഠമാണ്  ഇതിൽ  നിന്നും  നാം  പഠിക്കേണ്ടത്.

ശാന്ത  ഹരിഹരൻ

 

പാവപ്പെട്ടവന്റെ സമ്പത്ത് The poor man’s wealth

 

” Money  cannot  get  everything .Learn  to  be  happy and  satisfied  with  what  you  have .”

മൂല്യം —-സമാധാനം

ഉപമൂല്യം —–സംതൃപ്തി .

          രാംചന്ദും  പ്രേംചന്ദും  അയൽവാസികളായിരുന്നു. രാംചന്ദ്  ഒരു  പാവപ്പെട്ട  കൃഷിക്കാരനും  പ്രേംചന്ദ്  ഒരു  ഭൂവുടമസ്ഥനും  ആയിരുന്നു .

            രാംചന്ദ്  വളരെ  സന്തോഷത്തോടെയും  സമാധാനത്തോടെയും  ജീവിച്ചിരുന്നു.അവന്റെ  വീട്ടിൽ  ജന്നലുകളും  വാതിലും  രാത്രിയിലും  തുറന്നു  വെച്ചിരുന്നു.പണമില്ലെങ്കിലും  സമാധാനമായി  ജീവിച്ചു. പക്ഷെ  പ്രേംചന്ദ്  സദാകാലം പിരിമുറുക്കത്തോടെ  ജീവിച്ചിരുന്നു.രാത്രി  ശരിക്കും  ഉറങ്ങുമായിരുന്നില്ല . ആരെങ്കിലും  വീട്ടിൽ  വന്നു  പണപ്പെട്ടി  മോഷ്ടിക്കുമോ  എന്ന്  ഭയമായിരുന്നു . അവനു  രാംചന്ദിനോട് അസൂയയായിരുന്നു .

                ഒരു  ദിവസം  അവൻ  രാംചന്ദിനെ വിളിച്ചു  ഒരു  പണപ്പെട്ടി  കൊടുത്തു പറഞ്ഞു —

എന്റെ  സുഹൃത്തേ  ദൈവ  സഹായത്താൽ  എന്റെ  അടുക്കൽ  ധാരാളം  പണമുണ്ട് .നീ  പണമില്ലാതെ. കഷ്ട്ടപ്പെടുന്നു. അത്  കൊണ്ട്  ഈ  പണം  കൊണ്ടുപോയി  സുഖമായി  ജീവിക്കു .

          രാംചന്ദിന്  വളരെ  സന്തോഷമായി . ദിവസം  മുഴുവൻ  സന്തോഷവാനായി  നടന്നു . രാത്രിയായി  അയാൾ  ഉറങ്ങുവാൻ  പോയി . പക്ഷെ  അന്ന്  ഉറങ്ങുവാൻ. പറ്റിയില്ല .വാതിലും  ജന്നലകളും  അടച്ചു പൂട്ടി.  എന്നിട്ടും  ഉറക്കം  കിട്ടിയില്ല . ആ  പണപ്പെട്ടി  നോക്കി  കൊണ്ടിരുന്നു .രാത്രി  മുഴുവൻ. അസ്വസ്ത്ഥനായിരുന്നു ..

        രാവിലെ  തന്നെ  പണപ്പെട്ടി  കൊണ്ടുപോയി  പ്രേംചന്ദിനെ  ഏൽപ്പിച്ചുട്ടു  പറഞ്ഞു —-പ്രിയപ്പെട്ട  സുഹൃത്തേ  ഞാൻ  പാവപ്പെട്ടവനാണ്. പക്ഷെ  സമാധാനമായി  ജീവിച്ചിരുന്നു . നിങ്ങളുടെ  പണം  എന്റെ  മനസമാധാനം  കളഞ്ഞു  ദയവായി  ഈ  പണം തിരിച്ചെടുത്തലും . എന്നെ  ക്ഷമിക്കണം .

ഗുണപാഠം —– പണം  കൊണ്ട്  എല്ലാം  നേടുവാൻ  സാധിക്കില്ല . ഉള്ളത്  കൊണ്ട്  തൃപ്തി  പെടുകയാണെങ്കിൽ  എപ്പോഴും  സന്തോഷമായി  ജീവിക്കാം .

ശാന്ത  ഹരിഹരൻ

 

 

 

Power  of  chanting  the  Lords  name 

 If  we  have  faith , love  and  devotion  we  can  reach  higher  states  in  life Hearing  Lords  name  itself  a  crow  became  a  prince . Thus  namasmaran  has  got  great  power .
  ഭഗവൽനാമ  ജപത്തിന്റെ  ശക്തി
   മൂല്യം ——സ്നേഹം
   ഉപമൂല്യം —–വിശ്വാസം , നാമജപത്തിന്റെ  ശക്തി
ഒരിക്കൽ  നാരദമുനി  ഭഗവാൻ  നാരായണനെ  കാണുവാൻ  പോയി .
നാരയണൻ  ചോദിച്ചു —-സുഖമാണോ  നാരദരെ?
നാരദൻ—–എനിക്ക്  സുഖമാണ്. മൂന്ന്  ലോകങ്ങളിലും  യാത്ര  ചെയ്യുന്നു .
നാരയണൻ —–എന്ത് ചിന്തിച്ചാണ്  നീ  യാത്ര ചെയ്യുന്നത് ?
നാരദൻ—-ഭഗവാനെ  താങ്കളുടെ  നാമം  തന്നെ . ഞാൻ  സദാ  നാരായണാ ,നാരായണാ  എന്ന്  ജപിച്ചു  കൊണ്ടിരിക്കുന്നു .പക്ഷെ  അത്  കൊണ്ട്  എന്ത്  നേട്ടമാണുള്ളത്  എന്ന്  എനിക്ക്  മനസ്സിലായില്ല .
ഭഗവാൻ—നാരദാ  നീ  നാമജപം  ചെയ്യുന്നു , പക്ഷെ  അതിന്റെ  ബലം  അറിയുന്നില്ല . പോയി  ആ  മരത്തിലിരിക്കുന്ന  കാക്കയോട്  ചോദിക്കു .
നാരദൻ  കാക്കയോട് ചെന്ന്  ചോദിച്ചു. നാരായണ  നാമജപം  കൊണ്ട്  എന്ത്  നേട്ടമാണുള്ളത് ? ഇത്  കേട്ട  ഉടൻ  കാക്ക താഴെ  വീണു  മരിച്ചു .
നാരദൻ  ഉടൻ  നാരയണനോട്  ചെന്ന്  പറഞ്ഞു —ഭഗവാനെ  ഞാൻ  കാക്കയോട്  ചെന്ന് ചോദിച്ചു . ഉടൻ  അത്  താഴെ  വീണു  മരിച്ചു . ഇതാണോ  നേട്ടം?
നാരായണൻ —- സത്യം  അറിയുവാനായി  ഒരാൾ  നല്ലവണ്ണം  ബിദ്ധിമുട്ടണം . നാരദ  ആ  പാവപ്പെട്ട  ബ്രാഹ്മണന്റെ  വീട്ടിൽ  പോകു . അവിടെ  ഒരു  കുണ്ടിൽ  സുന്ദരമായ  ഒരു തത്തയുണ്ട്. അതിനോട്  ചെന്ന്  ചോദിക്കു .
നാരദൻ  ചെന്ന്  തത്തയോട്  ചോദിച്ചു. നാരായണ  നാമജപം  കൊണ്ട്  എന്താണ്  നേട്ടം?
ഇത്  കേട്ട  ഉടൻ  തത്ത താഴെ  വീണു  മരിച്ചു.
നാരദൻ  ഭഗവാന്റെ  അടുക്കൽ  വന്നു പറഞ്ഞു —ഞാൻ  തത്തയോട്  ചോദിച്ച  ഉടൻ  അത്  താഴെ  വീണു  മരിച്ചു .ഇതാണോ  നേട്ടം ?
നാരായണൻ —– സത്യം  അറിയുവാൻ  ഒരാൾ  ദൃഢചിത്തനായിരിക്കണം . ആ  ബ്രാഹ്മണന്റെ  വീട്ടിൽ  ഇന്നലെ  ഒരു  പശുക്കുട്ടി  ജനിച്ചുട്ടുണ്ട് . അതിനോട്  ചെന്ന്  ചോദിക്കു .നാരദൻ  പശുകുട്ടിയോടു  ചെന്ന്  ചോദിച്ചു —-നാരായണ  നാമജപം  കൊണ്ട്  എന്താണ്  നേട്ടം? പശുക്കുട്ടി  ഒന്ന്  തല  പൊക്കി  നോക്കി . പിന്നെ  താഴെ  വീണു  മരിച്ചു.
നാരദൻ  തിരിച്ചു  ഭഗവാന്റെ  അടുക്കൽ  ചെന്നു  പറഞ്ഞു —
ഭഗവാനെ  ഞാൻ  സത്യം  അറിയുന്നത്  വരെ  വിടില്ല ,ഇതാണോ  സമ്മാനം ?
നാരായണൻ —–ധൃതി  പിടിക്കല്ലേ . ധൃതി  നഷ്ടത്തിൽ  അവസാനിക്കും .നഷ്ട്ടം  ദുഖമാകും .ക്ഷമയോടിരിക്കു .ഇന്നലെ  ഈ രാജ്യത്തെ  രാജാവിന്  ഒരു  പുത്രൻ  ജനിച്ചുട്ടുണ്ട് .രാജാവ്  വളരെ  സന്തോഷവാനാണ് .ആ  കുട്ടിയോട്  ചെന്ന്  ചോദിക്കു .
നാരദന്  പേടി  തോന്നി . എങ്ങാനും  ആ  കുട്ടി  മരിക്കുകയാണെങ്കിൽ  കാവൽക്കാർ  എന്നെ  കൈതു  ചെയ്‌യും. അപ്പോൾ  അവർ  എന്നെ  കൊല്ലും . ഇതാണോ  നേട്ടം  എന്ന്  നാരദൻ  ചോദിച്ചു .
ഭഗവാൻ—-ധൃതി  പിടിക്കല്ലേ. കുട്ടിയോട്  ചെന്ന്  ചോദിക്കു .
നാരദൻ  നേരെ  രാജാവിന്റെ  അടുക്കൽ  ചെന്നു.കുട്ടിയെ  ഒരു  സ്വർണ്ണ  തട്ടിൽ  വെച്ച്  കൊണ്ട്  വന്നു.
നാരദൻ. രാജാവിനോട്  ചോദിച്ചു.  രാജാവെ  ഞാൻ  ഈ  കുഞ്ഞിനോട്  ഒരു  ചോദ്യം  ചോദിക്കാമോ ?
രാജാവ്  സമ്മതിച്ചു .
നാരദൻ —-കുഞ്ഞേ  നാരായണ  നാമജപം കൊണ്ട്  എന്താണ്  നേട്ടം ?
ഇത്  കേട്ട  ഉടൻ  കൊച്ചു  രാജകുമാരൻ  പറഞ്ഞു —-നാരദാ  താങ്ങൾ  ഇത്ര  മാത്രമേ  മനസ്സിലാക്കിയിട്ടുള്ളു . 24  മണിക്കൂറും  നരായണനാമം  ഉരുവിടുന്നു . പക്ഷെ  അതിന്റെ സാരം  അറിയില്ല .
ആദ്യം  ഞാൻ  ഒരു  കാക്കയായി  ജനിച്ചു .നാരയണ  നാമജപം  കൊണ്ട്  എന്താണ്  നേട്ടം  എന്ന്  താങ്കൾ എന്നോട് ചോദിച്ചു .അത്  കേട്ട്  എന്റെ  ജീവിതം  സമ്പൂർണമായി . ഞാൻ  ജീവിതം  അവസാനിപ്പിച്ചു.പിന്നീട്  ഞാൻ ഒരു തത്തയായി  ജനിച്ചു. ഒരു  കാക്ക  എവിടെ ? ഒരു തത്ത  എവിടെ? തത്ത ഒരു കുണ്ടിൽ  വളർക്കപ്പെടുന്നു .പിന്നെയും  താങ്കൾ  അതെ  ചോദ്യം  ചോദിച്ചു.അടുത്ത്  ഞാൻ  ഒരു പശു കിടാവായി  ജനിച്ചു.അത് തത്തയേlക്കാളും  മെച്ചപ്പെട്ട  ജന്മമാണ് . ഭാരതമക്കൾ പശുവിനെ  പൂജിക്കുന്നു . നരായണനാമം  കേട്ട  ഉടൻ  മരിച്ചു . ഇപ്പോൾ  ഒരു  രാജകുമാരനായി  ജനിച്ചു .ഒരു  കാക്ക , തത്ത , പശുക്കുട്ടി  ഇവയെക്കാൾ  എത്രയോ  മേന്മേയായ  ഒരു  ജന്മം കിട്ടി .രാജകുമാരനായി ജനിച്ചത്  എന്റെ  ഭാഗ്യമാണ് . ഇതാണ്  നാരായണനാമം ജപിക്കുന്നത്  കൊണ്ടുള്ള  ഗുണം.
 ഗുണപാഠം —- സ്നേഹം , വിശ്വാസം , ഭക്തി  ഇവ  ഉണ്ടെങ്കിൽ ജീവിതത്തിൽ  ഉയർന്ന  നിലയിൽ  എത്താവുന്നതാണ് .ഭഗവൽനാമം  കേട്ട ഉടൻ  കാക്ക  തത്തയായി , തത്ത പശുകുട്ടിയായി , പശുക്കുട്ടി  രാജകുമാരനായി  ജനിച്ചു .ഭഗവൽനാമം  കേട്ടത്  കൊണ്ട്  മാത്രം    ഒരു  കാക്കക്കു  ഒരു ഉന്നതമായ  ജന്മം  കിട്ടി. അപ്പോൾ  നാമജപം  കൊണ്ടുള്ള  നേട്ടം  പറയണ്ടല്ലോ . നാമജപത്തിനു  വളരെയേറെ  ശക്തിയുണ്ട് .

ശാന്ത  ഹരിഹരൻ .

4.16 GB (27%) of 15 GB used

പ്രതീകരണം vs പ്രത്യുത്തരം (Reaction Vs Responses)

 

 

മൂല്യം —–ശരിയായ  മനോഭാവം

ഉപമൂല്യം ——പരിസ്ഥിതിയെ  നേരിടുക

പെട്ടെന്ന്  എവിടെന്നോ  ഒരു  പാറ്റ  ആ  സ്ത്രീയുടെ  മേൽ  വന്നിരുന്നു.ഇതാണോ  പാറ്റയെ  കുറിച്ച്  പറയുന്ന  എല്ലാ  പ്രതാപത്തിന്റെയും  പ്രതികരണം ? ആ  സ്ത്രീ  പേടിച്ചു  നിലവിളിക്കാൻ  തുടങ്ങി . പേടിച്ച  അവൾ  വിറയ്ക്കുന്ന  ശബ്ദത്തോടെ  രണ്ടുകൈകൾ  കൊണ്ടും ആ  പാറ്റയെ  പിടിച്ചു  കളയുവാൻ ശ്രമിച്ചു . അവളുടെ ഈ പ്രതികരണം  അവിടെയുള്ള  എല്ലാ  സ്ത്രീകളിലും  പകർന്നു .എല്ലാവരും  നിലവിളിക്കാൻ  തുടങ്ങി .ഒടുവിൽ  ആ സ്ത്രീ  പാറ്റയെ  അടുത്തുള്ള  സ്ത്രീയുടെ  മേൽ  തള്ളി. ഇപ്പോൾ  ആ സ്ത്രീയും ഈ നാടകം  തുടർന്നു. അവിടേയുള്ള  വെയ്റ്റർ  അവരെ സഹായിക്കുവാനായി  വന്നു . ഈ  റിലേ  കളി  തുടർന്ന്  കൊണ്ടിരുന്നു . ഒടുവിൽ  പാറ്റ  വെയ്റ്ററുടെ  മേൽ  വന്നു വീണു . വെയ്റ്റർ അവിടെ  തന്നെ  ഉറച്ചു നിന്നു. പാറ്റയുടെ  അനക്കം  ശ്രദ്ധിച്ചു . പാറ്റ  ഇളകാത്ത  സമയം  നോക്കി  അതിനെ  വിരലുകൾ  കൊണ്ട്  പിടിച്ചു  പുറത്തേക്കു  എറിഞ്ഞു .

ഞാൻ എന്റെ  കാപ്പി സാവകാശം  കുടിച്ചു  കൊണ്ട്  ഈ  രസകരമായ  കാഴ്ചയെ  കുറിച്ച്  ചിന്തിച്ചു .സ്ത്രീകളുടെ  ഈ  ഉന്മാദം  പിടിച്ച  പെരുമാറ്റത്തിന്  കാരണം  പാറ്റയാണോ  അല്ലെങ്കിൽ  അവരുടെ  പരിഭ്രമമാണോ ? പക്ഷെ  ഒരു  വെയ്റ്റർ  വളരെ  സമർത്ഥമായി  ഒരു  കുഴപ്പവും  കൂടാതെ  ആ  പരിസ്ഥിതിയെ  കൈകാര്യം  ചെയ്തു. ആ  സ്ത്രീകളുടെ  കഴിവില്ലായ്മയാണ്  എല്ലാ  കുഴപ്പങ്ങൾക്കും  കാരണം  അല്ലാതെ  പാറ്റ അല്ല .

അപ്പോഴാണ്  ഞാൻ  മനസ്സിലാക്കിയത്  എന്റെ  അച്ഛൻ  ഒച്ചയെടുത്തതല്ല  എന്റെ അസ്വസ്ഥതക്കു  കാരണം  പക്ഷെ  അതിനെ  ശരിക്കും  നേരിടുവാനുള്ള  കഴിവില്ലായ്മയാണ്. റോഡിലുള്ള  ഗതാഗതമല്ല  എന്റെ  കുഴപ്പത്തിന്  കാരണം  പക്ഷെ  അതിനെ  നേരിടുവാനുള്ള എന്റെ  കഴിവില്ലായ്മയാണ് .പ്രശ്നങ്ങളെക്കാൾ  കൂടുതൽ  അതിനെ നേരിടുവാനുള്ള  കഴിവില്ലായ്മയാണ്  വിഷമമുണ്ടാക്കുന്നത്.

ഗുണപാഠം ——

 ജീവിതത്തിൽ  പ്രശ്നങ്ങൾ  വരുമ്പോൾ  അതിനെ  പ്രതികരിക്കുന്നതിനു  പകരം  നേരിടുവാൻ  പഠിക്കണം.ഈ  കഥയിലെ  സ്ത്രീകൾ  പ്രതികരിച്ചു . പക്ഷെ  വെയ്റ്റർ  നേരിട്ടു .പ്രതികരണം  ജന്മവാസനയും  പ്രത്യുത്തരം  ബുദ്ധിപരവുമാണ് .

“Reactions  are  always  instinctive  whereas  responses  are  always intellectual”

 

 

ശാന്ത  ഹരിഹരൻ .

 

കാറ്റടിക്കുമ്പോൾ – When the wind blows

 

” Faith  is  the  foundation  for  our  mental  strength  and  right  attitude .When  we  are  mentally  strong  we  can  sleep  when  the  wind  blows  through  our  life .”

കാറ്റടിക്കുമ്പോൾ

മൂല്യം —-സമാധാനം

ഉപമൂല്യം —- വിശ്വാസം

പണ്ടൊരു  കർഷകന്  അറ്റലാന്റിക്  സമുദ്രതീരത്തു  ഒരു  നിലമുണ്ടായിരുന്നു . അവിടെ  ജോലിക്കായി  ആൾ  വേണമെന്ന്  തുടർന്ന്  പരസ്യം  കൊടുത്തു  കൊണ്ടിരുന്നു . പക്ഷെ സമുദ്രതീരത്ത്  ജോലി  ചെയ്യുവാൻ  ആർക്കും  ഇഷ്ടമില്ലായിരുന്നു . സമുദ്രത്തിൽ  ഉണ്ടാകുന്ന  കൊടുംകാറ്റ്  അവിടെയുള്ള  കെട്ടിടങ്ങളേയും  കൃഷിയെയും  നശിപ്പിക്കുന്നതോർത്ത്‌  എല്ലാവരും  പേടിച്ചിരുന്നു. ഒടുവിൽ  മെലിഞ്ഞ  ശരീരമുള്ള ഒരു  മദ്യവയസ്‌ക്കൻ  കർഷകനെ  സമീപിച്ചു .

” നിങ്ങൾ  ഒരു  നല്ല  കര്ഷകനാണോ? ——-കർഷകൻ  ചോദിച്ചു .

” കാറ്റു  വീശുമ്പോൾ  എനിക്ക്  നല്ലവണ്ണം  ഉറങ്ങുവാൻ  സാധിക്കും .”—- വന്ന  ആൾ  പറഞ്ഞു .

ആ  ഉത്തരം  കേട്ട്  കര്ഷകന്  കുഴപ്പം  തോന്നിയെങ്കിലും  സഹായത്തിനു  ഒരാൾ  വേണമല്ലോ  എന്നോർത്തു  അയാളെ  ജോലിക്കു  വെച്ചു.

ആ  ചെറിയ  മനുഷ്യൻ  രാവും  പകലും  വയലിൽ  ജോലിയെടുത്തു . കര്ഷകന്  അയാളുടെ  ജോലി  വളരെ  ഇഷ്ട്ടപെട്ടു .

ഒരു  ദിവസം  രാത്രി  കൊടുംകാറ്റ്  വീശുവാൻ  തുടങ്ങി .ആ  ശബ്ദം  കേട്ട്  കർഷകൻ  ചാടി  എണീറ്റു. ഒരു റാന്തലും  പിടിച്ചു  വേഗം  അടുത്ത  വീട്ടിൽ  കിടന്നുറങ്ങുന്ന  ജോലിക്കാരന്റെ  അടുത്തെത്തി  അയാളെ  കുലുക്കി  ” വേഗം  എണീക്കു. കൊടുംകാറ്റ് വീശുന്നുണ്ട്. “എല്ലാം  അടിച്ചു  പോകുന്നതിനു  മുൻപ്  സുരക്ഷിതമായി  അടച്ചു  വെക്കൂ.

ആ  ചെറിയ  മനുഷ്യൻ  കിടക്കയിൽ  ഒന്ന്  തിരിഞ്ഞു  കിടന്നു  കൊണ്ട്  വളരെ  ഉറപ്പോടെ  പറഞ്ഞു —–“സർ  കൊടുംകാറ്റ്  വീശുമ്പോളും  എനിക്ക്  സുഖമായി  ഉറങ്ങുവാൻ  സാധിക്കും .”

അവന്റെ    ഉത്തരം  കേട്ട്  കര്ഷകന് ദേഷ്യം  തോന്നി . ഉടൻ  തന്നെ  അയാളെ  ജോലിയിൽ  നിന്ന്  നീക്കണം എന്ന്  തോന്നിയെങ്കിലും  അതിനു  മുൻപ്  വയലിൽ  ചെന്ന്  നോക്കാൻ  തീർച്ചയാക്കി .ചെന്ന്  നോക്കിയപ്പോൾ  അത്ഭുദപ്പെട്ടുപോയി . നെല്ലും  വൈക്കോലും. എല്ലാം  സുരക്ഷിതമായി. ഷെഡിനുള്ളിൽ  വെച്ച്  ടാർപോളിൻ  കൊണ്ട്  മൂടിയിരുന്നു .  പശുക്കളെ തൊഴുത്തിലും  കോഴികളെ  കുണ്ടിലും  ഇട്ടു  വാതിലുകൾ  അടച്ചിരുന്നു . ഷെഡിന്റെ  ഷട്ടറുകൾ  സുരക്ഷിതമായി  അടച്ചു  പൂട്ടിയിരുന്നു .അപ്പോഴാണ്  തന്റെ  ജോലിക്കാരൻ  പറഞ്ഞതിന്റെ  അർത്ഥം  മനസ്സിലായത് .കൊടുംകാറ്റിനെ  കുറിച്ച്  ചിന്തിക്കാതെ  കർഷകനും  സുഖമായി  ഉറങ്ങുവാൻ  പോയി .

ഗുണപാഠം ——

മനസ്സു  കൊണ്ടും  ശരീരം. കൊണ്ടും  ആധ്യാത്മികമായും  നാം  തയ്യാറാണെങ്കിൽ  ഒന്നുകൊണ്ടും  പേടിക്കാനില്ല  . നല്ല  മനോധൈര്യവും  ആത്മവിശ്വാസവും. ഉണ്ടെങ്കിൽ  ഏതു  കൊടുംകാറ്റ്  വീശിയാലും  സുഖമായി  ഉറങ്ങുവാൻ  സാധിക്കും .അതായതു  ഏതു  പരിതഃസ്ഥിതിയെയും  നേരിടുവാൻ  പറ്റും.

ശാന്ത  ഹരിഹരൻ .

 

“Try  your  best  and  at  last  you  will  succeed .Never  give up .”

 

      മൂല്യം —– ശുഭചിന്ത

      ഉപമൂല്യം ——പരിശ്രമം

 

ഒരു  കൊച്ചു  തവള  ഒരു  വയലിൽ  അവിടെയയും  ഇവിടെയും  ചാടി  കളിക്കുകയായിരുന്നു . ഒടുവിൽ  ധാന്യപ്പുരയിൽ  കെയറി  നിരീക്ഷിക്കുവാൻ  തീർച്ചയാക്കി .

കുറച്ചു  അശ്രദ്ധയും  കുറച്ചു  ജിജ്ഞാസയും  കാരണം അവിടെയുള്ള  പകുതി  വരെ  നിറഞ്ഞിരുന്ന  ഒരു  പാൽ  പാത്രത്തിൽ  ചെന്ന്  ചാടി .നീന്തി  മുകളിൽ കെയറുവാൻ  ശ്രമിച്ചു .പക്ഷെ  പാത്രം വളരെ  ആഴമുള്ളതും  അതിന്റെ വശങ്ങൾ. നല്ല  പൊക്കമുള്ളതും  ആയതുകൊണ്ട്  താവളക്കു  മുകളിൽ  കെയറുവാൻ  പറ്റിയില്ല . തന്റെ  പിന്നം  കാലുകൾ  നല്ലവണ്ണം  നീട്ടി  മുകളിലേക്ക്  ചാടുവാൻ  ശ്രമിച്ചു . പാലിൽ  തന്നെ  വീണു .

 പക്ഷെ  ആ  കൊച്ചു  തവള  വിട്ടുകൊടുക്കുവാൻ  തയ്യാറയിരുന്നില്ല .അവൻ  വീണ്ടും  വീണ്ടും  ചവിട്ടി  ചാടി കൊണ്ടിരുന്നു .ഇങ്ങിനെ  തുടർന്ന്  ചെയ്തു  മുഴുവൻ  പാലും  കടഞ്ഞു . പാലിൽ നിന്ന്  പന്ത് പോലെ  നല്ല കെട്ടിയുള്ള  വെണ്ണ  പൊന്തി  വന്നു .തവള  ആ  വെണ്ണയുടെ  മുകളിൽ  കെയറി  പുറത്തേക്കു  ചാടി .

  ഗുണപാഠം ——–

 തുടർന്നുള്ള  പരിശ്രമം  വിജയത്തിലേക്കു  നയിക്കും.  ജീവിതത്തിൽ  ഒരിക്കലും  തളർന്നു  പോകരുത് .

  ശാന്ത  ഹരിഹരൻ