Tag Archive | moral value stories in malayalam, human value stories in malayalam

What it means to be poor-ദരിദ്രൻ  എന്ന് പറയുന്നതിന്റെ ഉദ്ദേശമെന്താണ്

Father and son 2

മൂല്യം ——സമാധാനം

ഉപമൂല്യം ——– നന്ദി ,  ആത്മതൃപ്‌തി

ഒരു  ദിവസം  ഒരു  പണക്കാര  അച്ഛൻ  മകനെ  മക്കളിൽ  എത്ര  ദരിദ്രർ  ഉണ്ടെന്നു  കാണിക്കുവാനായി  ഒരു  ഗ്രാമത്തിലേക്ക്  കൊണ്ടുപോയി .അവർ  ഒരു  പാവപ്പെട്ട കർഷക  കുടുമ്പത്തിന്റെ  കൂടെ  കുറച്ചു  ദിവസം. താമസിച്ചു .

തിരിച്ചു  വന്നു  അച്ഛൻ  മകനോട്  ചോദിച്ചു —–”  യാത്ര  എങ്ങനെയുണ്ടായിരുന്നു?

” വളരെ  നല്ലതായിരുന്നു .”——മകൻ  പറഞ്ഞു .

എത്ര  പാവപ്പെട്ട  മക്കൾ  ഉണ്ടെന്നു  കണ്ടില്ലേ?

” അതെ”—–  മകൻ  പറഞ്ഞു .

”  അപ്പോൾ  ഈ. യാത്രയിൽ. നിന്ന്  മോൻ  എന്ത്  പഠിച്ചു.?” അച്ഛൻ  ചോദിച്ചു.

മകൻ  പറഞ്ഞു —–” ഞാൻ  കണ്ടു  നമുക്ക്  ഒരു പട്ടിയുണ്ട് . പക്ഷെ  അവർക്ക്  നാലു  പട്ടികളുണ്ട് .നമുക്ക് ഒരു  ചെറിയ  കുളമുണ്ട് .അത്  നമ്മുടെ  തോട്ടത്തിന്റെ  നടുവിൽ  വരെയേ  എത്തുന്നുള്ളു.  പക്ഷെ  അവർക്ക്  കരകാണാത്ത  വലിയ  ഉൾക്കടൽ  ഉണ്ട് . നമ്മുടെ  തോട്ടത്തിൽ  വിദേശത്തിൽ  നിന്ന്  വാങ്ങിയ  വിളക്കുകൾ  ഉണ്ട്. അവർക്കു  ആകാശത്തിൽ  മിന്നുന്ന  നക്ഷത്രങ്ങൾ  ഉണ്ട്.നമ്മുടെ  പൂമുഖം  മുന്മുറ്റം  വരെയേയുള്ളു . അവർക്കു  മുഴുവൻ  ചക്രവാളം  ഉണ്ട് .നമക്ക്  ജീവിക്കുവാൻ  ഒരു  ചെറിയ  നിലമുണ്ട്. അവർക്കോ  കാണാൻ  എത്താത്ത  ദൂരം  വരെ വയലുണ്ട് .  നമുക്ക്  ജോലി  ചെയ്യുവാൻ  ജോലിക്കാറുണ്ട് . അവർ  ബാക്കിയുള്ളവരെ  സേവനം  ചെയ്യുന്നു . നമ്മൾ  ഭക്ഷണ  സാധനങ്ങൾ  വാങ്ങുന്നു .  അവർ  ഭക്ഷ്യ സാധനങ്ങൾ  വിളയിക്കുന്നു.  നമുക്ക്  നമ്മുടെ  സമ്പത്ത്‌  കാത്തു  രക്ഷിക്കുവാൻ  മതിലുകളുണ്ട് . അവരെ  സംരക്ഷിക്കുവാൻ  മിത്രങ്ങളുണ്ട് .

ഇത്  കേട്ട്  അച്ഛൻ  സ്തംപിച്ചു  പോയി .

”  അച്ഛാ  നമ്മൾ  എത്ര  ദരിദ്രരാണെന്നു  കാണിച്ചു  തന്നതിന്  നന്ദി .”——–മകൻ  പറഞ്ഞു .

ഗുണപാഠം ——–പലപ്പോഴും  നമ്മുടെ  പക്കലുള്ള  സാധനങ്ങളെ  മറന്നു  ഇല്ലാത്ത സാധനങ്ങൾക്ക്  വേണ്ടി  ആഗ്രഹിക്കുന്നു .ഒരാൾക്ക്  വേണ്ടാത്ത  ഒന്ന്  മറ്റൊരാളുടെ  വിലമതിപ്പുള്ളതായി  മാറും .അത്  ഓരോരുത്തരുടെ  കാഴ്ചപ്പാടാണ് . നമ്മുക്ക്  കിട്ടിയുള്ളതിൽ  സംതൃപ്തരും  ഇനിയും  കൂടുതൽ  വേണമെന്ന്  ആഗ്രഹിക്കാതിരിക്കുകയും  ആണെങ്കിൽ  എത്ര  നല്ലതായിരിക്കും .ജീവിതത്തിൽ  സന്തുഷ്ടരും  സംതൃപ്തരുമാണെങ്കിൽ  അത്  തന്നെ  വലിയയൊരു  അനുഗ്രഹമാണ് .ഏറ്റവും  കുറഞ്ഞ  ആഗ്രഹമുള്ളവർ  ധനികരും  കൂടുതൽ  ആഗ്രഹമുള്ളവർ  ദരിദ്രരുമാണ് .

ശാന്ത  ഹരിഹരൻ .

http://saibalsanskaar.wordpress.com

 

Advertisements

Gandhiji’s  story  on  honesty-ഗാന്ധിജിയുടെ  സത്യ സന്ധതയുടെ കഥ

മൂല്യം—–സത്യം
ഉപമൂല്യം—-‘സത്യ  സന്തത, സത്യത്തിനു
ഉപരി  ഒരു  ദൈവമില്ല.

gandhii honesty
മോഹൻ  വളരെ  നാണംകുണിങ്ങിയായ ഒരു  കുട്ടിയായിരുന്നു.  സ്കൂൾ  മണിയടിച്ചതും വേഗം പുസ്തകങ്ങൾ  എല്ലാം എടുത്തു  വീട്ടിലേക്കു  മടങ്ങി. മറ്റു  കുട്ടികൾ  വർത്തമാനം  പറയുവാനും  കളിക്കാനും  എന്തെങ്കിലും  തിന്നാനും നിൽക്കുമ്പോൾ  മോഹൻ  എപ്പോഴും വേഗം  വീട്ടിലേക്കു  മടങ്ങും.കുട്ടികൾ  അയാളെ  നിറുത്തി  കളിയാക്കും  എന്ന  പേടിയായിരുന്നു.

ഒരു  ദിവസം  വിദ്യാഭ്യാസ  ഇൻസ്‌പെക്ടർ  മി.ഗിൽസ്  മോഹൻറ്റെ
സ്കൂളിൽ  വന്നു. അദ്ദേഹം  5  ഇംഗ്ലീഷ്  വാക്കുകൾ  കുട്ടികളോട്  എഴുതുവാൻ  പറഞ്ഞു.മോഹൻ  4  വാക്കുകൾ  ശരിക്കും എഴുതി. “കെറ്റിൽ ” എന്ന  അഞ്ചാമത്തെ വാക്ക് കിട്ടിയില്ല. മോഹൻറ്റെ  സംശയം  കണ്ട്‌  അധ്യാപകൻ  അടുത്ത  കുട്ടിയുടെ  സ്ലേറ്റിൽ  നിന്ന്  കോപ്പി  അടിക്കുവാനായി  ഇൻസ്‌പെക്ടറുടെ പുറകിൽ നിന്ന്  ആംഗ്യം  കാണിച്ചു. പക്ഷെ  മോഹൻ  അധ്യാപകൻറ്റെ  ആംഗ്യം  വക  വെച്ചില്ല.  മറ്റു  കുട്ടികൾ  5 വാക്കുകളും ശരിക്കു  എഴുതി.  പക്ഷെ  മോഹൻ  4  എണ്ണം  മാത്രം  എഴുതി.

ഇൻസ്‌പെക്ടർ  പോയ  ശേഷം  അധ്യാപകൻ  —–” നിന്നോട്  അടുത്ത  കുട്ടിയുടെ  നോക്കി  എഴുതുവാൻ  പറഞ്ഞു. നിനക്ക്  അതുപോലും  ചെയ്യുവാൻ  പറ്റില്ല .” എന്ന്  വഴക്കു  പറഞ്ഞു. എല്ലാ  കുട്ടികളും  ചിരിച്ചു.
അന്ന്  വൈകുന്നേരം  വീട്ടിൽ  പോയപ്പോൾ  മോഹന്  സങ്കടം  തോന്നിയില്ല.അവൻ  ചെയ്തത്  ശരിയാണ്  എന്ന്  അവന്  അറിയുമായിരുന്നു. അധ്യാപകൻ  കോപ്പിയടിക്കാൻ  പറഞ്ഞതാണ്  അവനെ. ദുഃഖിപ്പിച്ചത്.

ഗുണപാഠം——
സത്യസന്ധതയാണ് ശരിയായ  നയം.  അസത്യം  പറയലും  ചതിക്കലും. ഒരിക്കലും ഒരാളെ  മുന്നോട്ടു  നയിക്കില്ല.  കൊച്ചുനാൾ  മുതലേ  കുട്ടികളെ  സത്യം  പറയുവാനും. ചതിക്കാതിരിക്കുവാനും പഠിപ്പിക്കണം.  സത്യസന്ധനായ  മനുഷ്യൻ  സമാധാനവും സന്തോഷവുമായി  ജീവിക്കും.
തർജ്ജമ—–‘ശാന്ത  ഹരിഹരൻ.

http://saibalsanskaar.wordpress.com

Miracle —– അത്ഭുതം

മൂല്യം ——സ്നേഹം

ഉപമൂല്യം ——വിശ്വാസം , ആശ്രാന്ത പരിശ്രമം

miracle

ഒരു  8  വയസ്സ്  പ്രായമുള്ള  പെൺകുട്ടി  അച്ഛനമ്മമാർ  അവളുടെ അനിയന്റെ  അസുഖത്തെ  കുറിച്ച്  സംസാരിക്കുന്നതു  കേട്ടു. അനിയന്  ഗുരുതരമായ  എന്തോ  അസുഖമാണ്  എന്ന് മനസ്സിലായി . ഇപ്പോൾ തന്നെ  ചികിത്സക്കും  ഡോക്ടർ  ഫീസിനും  വേണ്ടി താമസിച്ചിരുന്ന  വലിയ  വീട്  വിറ്റു. ഒരുചെറിയ വീട്ടിലാണ്  താമസം . ഇനിയൊരു  വലിയ ശസ്ത്രക്രിയ ചെയ്താലേ അനിയൻ രക്ഷപ്പെടും എന്ന് പറഞ്ഞു . കൈയിൽ  പണമില്ല  കടം തരാനും  ആരുമില്ല , എന്തെങ്കിലും  അത്ഭുതം  സംഭവിച്ചാലെ കൊച്ചു  രക്ഷപ്പെടുകയുള്ളു  എന്ന് അവളുടെ അച്ഛൻ  കണ്ണിനീരോടെ  അമ്മയോട്  പറയുന്നത്  അവൾ കേട്ടു.ആ കൊച്ചു കുട്ടി  തന്റെ  കിടപ്പു  മുറിയിൽ  ചെന്ന്  അവൾ സൂക്ഷിച്ചു  വെച്ചിരുന്ന  ചെറിയ  പണപ്പെട്ടി  എടുത്ത് അതിലുള്ള  ചില്ലറ  എണ്ണി. പിന്നീട് വിലപിടിച്ച  ആ പണപെട്ടിയുമായി  പിൻവാതിലിൽ കുടി 6 കെട്ടിടങ്ങൾക്കപ്പുറമുള്ള  മരുന്ന്  കടയിലേക്ക് പോയി .അവൾ കുറച്ചു  ചില്ലറ നാണയങ്ങൾ  എടുത്ത് മേശപ്പുറത്തു  വെച്ചു.

എന്ത്  വേണം ? കടക്കാരൻ ചോദിച്ചു .

എന്റെ  അനിയന്  വളരെ  അസുഖമാണ് . അവനെ ചികിൽസിക്കാൻ  ഒരു അത്ഭുതം  വേണം.

ക്ഷമിക്കണം .എന്താ വേണ്ടത് ? മരുന്ന് കടക്കാരൻ ചോദിച്ചു.

എന്റെ അനിയൻ  ആൻഡ്രൂസിന്  തലയിൽ  എന്തോ വളരുന്നുണ്ട് .എന്തെങ്കിലും  അത്ഭുതം കൊണ്ട്  മാത്രമേ  അവനെ രക്ഷിക്കുവാൻ  സാധിയ്‌ക്കുകയുള്ളൂ.ഒരു അത്ഭുതത്തിനു എന്ത് വിലയാ?

” കൊച്ചെ  ഞങ്ങൾ  അത്ഭുതങ്ങൾ  വിൽക്കാറില്ല”  മരുന്ന്  കടക്കാരൻ  സങ്കടത്തോടെ  പുഞ്ചിരിച്ചു  കൊണ്ട്  പറഞ്ഞു .

” ഒന്ന്  കേൾക്കു . എന്റെ  അടുക്കൽ  വാങ്ങുവാൻ  പണമുണ്ട് .ഇത്  പോരെങ്കിൽ  കുറച്ചു  കുടി  പണം  സങ്കടിപ്പിക്കുവാൻ  എനിക്ക്  സാധിക്കും .എത്രയാകും  എന്ന്  ദയവായി പറയു”.

നല്ല  വസ്ത്രം ധരിച്ച  ഒരു  ഉപഭോക്താവ്  കടയിൽ നിൽക്കുന്നുണ്ടായിരുന്നു . അദ്ദേഹം  കുനിഞ്ഞു. ആ  കുട്ടിയോട്. ചോദിച്ചു —“ഏതു  പ്രകാരം  അത്ഭുതമാണ്  കുട്ടിയുടെ  അനിയന്  വേണ്ടത് “?

” എനിക്കറിയില്ല “. അവളുടെ  കണ്ണുകൾ  നിറഞ്ഞു . എനിക്കറിയില്ല  അവന്. ഒരു  ശസ്ത്രക്രിയ  നടത്തണം  എന്ന്  ‘അമ്മ പറഞ്ഞു . എന്റെ  അച്ഛന്റെ  കൈയിൽ  പണമില്ല . അതാണ്  ഞാൻ  ശേഖരിച്ചു  വെച്ച  പണം കൊണ്ടുവന്നത് .

” നിന്റെ  കൈയിൽ എത്രയുണ്ട് “?– ആ  മാന്യൻ  ചോദിച്ചു .

” ഒരു ഡോളറും  ഏഴു  സെന്റസും”. വേണെമെങ്കിൽ  എനിക്ക്  കുറച്ചു കുടി  പണമുണ്ടാക്കാൻ  പറ്റും. അവൾ  വളരെ  വിശ്വാസത്തോടെ പറഞ്ഞു.

നല്ല  കാര്യം . എന്തൊരു  സമാന്തരമാണ് ? —അദ്ദേഹം  പുഞ്ചിരിച്ചു .ഒരു ഡോളറും ഏഴു സെന്റസും ആണ് കൊച്ചനിയന്മാർക്കുള്ള  അത്ഭുതത്തിന്റെ  ശരിയായ  വില .

അദ്ദേഹം  ആ പണം വാങ്ങി  അവളുടെ  കൈപിടിച്ചു  കൊണ്ട്  പറഞ്ഞു.—” നീ  താമസിക്കുന്ന  സ്ഥലത്തേക്ക്  എന്നെ  കൊണ്ട് പോകു .എനിക്ക്  നിന്റെ. അനിയനെയും, അച്ഛനമ്മമാരെയും  കാണണം . നിനക്ക്  വേണ്ട  അത്ഭുതം  എന്റെ  അടുക്കൽ  ഉണ്ടോ  എന്ന് നോക്കട്ടെ “.

അദ്ദേഹം  ആ  പെൺകുട്ടിയുടെ  അനിയനെയും, അച്ഛനമ്മമാരെയും  കണ്ടു .ഒരു  പൈസയും  വാങ്ങാതെ  കുട്ടിയുടെ  ശസ്ത്രക്രിയ  നടത്തി . കുറച്ചു ആഴ്ചകൾക്കു ശേഷം ആൻഡ്രൂസ്  സുഖമായി  വീട്ടിലേക്കു  വന്നു .

ഒരു  ദിവസം  ആ കൊച്ചു  പെൺകുട്ടിയും  അവളുടെ  അമ്മയും  സംസാരിച്ചു കൊണ്ടിരുന്നു . ‘അമ്മ  പറഞ്ഞു —-“ആ ശസ്ത്രക്രിയ ശരിക്കും  ഒരു അത്ഭുതം  തന്നെ . അതിനു  എത്ര പണമാണെന്നു  അറിയില്ല “.

കൊച്ചു  കുട്ടി  ചിരിച്ചു .എനിക്കറിയാം  ആ അത്ഭുതത്തിന്റെ  വില  ” ഒരു ഡോളർ ഏഴു സെന്റ്സ് .”

ഒരു കൊച്ചു കുട്ടിയുടെ വിശ്വാസവും , പരിശ്രമവും , സമർപ്പണ ചിന്തയും  കാരണം  എന്ത്  അത്ഭുതം സംഭവിക്കാനും  സാധിക്കും

ഗുണപാഠം —–

ഈ  കഥ ഒരു  കൊച്ചു  ചേച്ചിക്കു  കൊച്ചനിയനോടുള്ള  സ്നേഹവും , അവനെ  അസുഖത്തിൽ നിന്ന്  രക്ഷിക്കുവാനായുള്ള  അവളുടെ ആശ്രാന്ത  പരിശ്രമവും,  വിശ്വാസവും  എല്ലാം  ചിത്രീകരിക്കുന്നു .സ്നേഹം,  വിശ്വാസം , ആശ്രാന്ത  പരിശ്രമം  എല്ലാം  ഉണ്ടെങ്കിൽ  നമ്മുടെ  എല്ലാവരുടെയും  ജീവിതത്തിലും എന്ത്  അത്ഭുതവും  സംഭവിക്കാം .

തർജ്ജമ —-ശാന്ത  ഹരിഹരൻ .

http://saibalsanskaar.wordpress.com

 

Power of belief-വിശ്വാസത്തിന്റെ  ശക്തി 

മൂല്യം —-ശുഭ  പ്രതീക്ഷ

ഉപമൂല്യം —-ആത്മവിശ്വാസം

power of beliefഒരു  വ്യാപാരി  കടത്തിൽ  മുങ്ങിപ്പോയിരുന്നു .അതിൽ  നിന്ന്  പുറത്തു വരുവാൻയാതൊരു വഴിയും കണ്ടില്ല .പണം  മുടക്കിയവർ  അയാളെ  വളഞ്ഞു . സാധനങ്ങൾ കൊടുത്തിരുന്നവർ  പണം ചോദിച്ചു .അയാൾ  ആകെ വിഷമിച്ചു .തലയിൽ  കൈ  വെച്ച് ഒരു  ഉദ്യാനത്തിൽ  ഇരിക്കുകയായിരുന്നു .അയാളുടെ കമ്പനി ദിവാലാകുന്നതിൽ നിന്ന്എങ്ങിനെ  രക്ഷിക്കും  എന്ന്  ആലോചിച്ചു .

പെട്ടെന്ന്  ഒരു  വയസ്സായ മനുഷ്യൻ  അയാളുടെ  മുൻപിൽ  വന്നു “നിങ്ങളെ എന്തോ ഒരു  വലിയ പ്രശ്നം അലട്ടുന്നു എന്ന്  തോന്നുന്നു .എന്താ പ്രശ്നം?” അദ്ദേഹം  ചോദിച്ചു. ആ വ്യാപാര നിർവഹണ അധികാരി  എല്ലാ  വിവരങ്ങളും തുറന്നു  പറഞ്ഞു .എനിക്ക് നിങ്ങളെ സഹായിക്കുവാൻ  പറ്റും എന്ന് വയസ്സൻ  പറഞ്ഞു.അദ്ദേഹം. അയാളുടെ  പേര് ചോദിച്ചു.ഒരു കാശോല എഴുതി  അയാളുടെ കൈയിൽ  വെച്ച് .” ഈ  പണം  എടുത്തോളൂ . ശരിക്കും  ഒരു കൊല്ലം കഴിഞ്ഞു  എന്നെ  കണ്ടു  ഈ  പണം  തിരിച്ചു തരണം .” വയസ്സൻ വന്ന  പോലെ  തന്നെ പെട്ടെന്ന്  അപ്രത്യക്ഷമായി .

വ്യാപാര  നിർവഹണ  അധികാരി  കൈയിലുള്ള  കാശോല നോക്കി . അത്  ജോൺ ഡി  റോക്കഫല്ലെർ  എന്ന്  കൈയൊപ്പിട്ട  50000ഡോളറിന്റെ ഒരു  കാശോല ആയിരുന്നു. ആ  പണം  കൊണ്ട്  തന്റെ  കഷ്ടപ്പാടുകൾ പെട്ടെന്ന്  തീർക്കാൻ പറ്റും എന്ന്  അയാൾക്ക്‌അറിയാമായിരുന്നു . പക്ഷെ  അയാൾ  അങ്ങിനെ ചെയ്യാതെ  കാശോല  അലമാരിയിൽ കൊണ്ട്  വെച്ച് .ആ  കാശോല  തനിക്കു  വ്യാപാരത്തിനെ രക്ഷിക്കുവാനുള്ള  ശക്തി  തരുംഎന്ന്  വിശ്വസിച്ചു .

വളരെ  ശുഭ  പ്രതീക്ഷയോടെ നല്ല  വിധത്തിൽ  പല  വ്യാപാര  ചർച്ചകൾ  ചെയ്തു . കൊടുക്കുവാനുള്ള  പണത്തിനു  ഒരു  നിശ്ചിത  വ്യവസ്ഥ  വരുത്തി. ചില  മാസങ്ങളിൽ നല്ല വിധത്തിൽ വ്യാപാരം ചെയ്തു മുഴുവൻ  കടത്തിൽ  നിന്ന്  അയാൾ പുറത്തു  വന്നു  എന്ന്മാത്രമല്ല  പണം  ഉണ്ടാക്കുവാനും  തുടങ്ങി .

ശരിക്കും  ഒരു  കൊല്ലത്തിനു  ശേഷം  വ്യാപാരി ആ കാശോലയുമായി ഉദ്യാനത്തിൽ  വന്നു . പറഞ്ഞ  സമയത്തു  തന്നെ  വയസ്സനും  അവിടെയെത്തി .കാശോല തിരിച്ചു  കൊടുത്ത്  വ്യാപാരി തന്റെ  വിജയകരമായ  കഥ  പറയുവാൻ തുടങ്ങുമ്പോഴേക്കും  ഒരു നേഴ്സ്  ഓടി  വന്നു  വയസ്സനെ പിടിച്ചു  കൊണ്ട്  പറഞ്ഞു —–ഇദ്ദേഹം  നിങ്ങളെ  ശല്യപ്പെടുത്തുന്നില്ല എന്ന്  വിശ്വസിക്കുന്നു .എപ്പോഴും  വിശ്രമ കേന്ദ്രത്തിൽ  നിന്ന്  പുറത്തു  പോയി ” ഞാൻ  ജോൺ  ഡി  റോക്കഫല്ലെർ “ആണ്  എന്ന് ആളുകളോട്  പറയുന്നു .അവർ  അദ്ദേഹത്തെ  കൈ പിടിച്ചു  കൊണ്ട്  പോയി .

വ്യാപാരി  ഞെട്ടിപ്പോയി .ഒരു  കൊല്ലമായി  തന്റെ  കൈയിൽ  50000 ഡോളർഉണ്ടെന്നു ഓർത്താണ്  വ്യാപാരത്തിൽ  വാങ്ങുകയും വിൽക്കുകയും  പല  പലക്രയവിക്രയം  ചെയുകയും  ചെയ്തിരുന്നത്. ഇവിടെ  പണമല്ല  അയാളുടെ  ആത്മധൈര്യം ആണ്  ജീവി തത്തെ  മാറ്റി  മറിച്ചതും  എല്ലാ  കാര്യങ്ങളിലും  വിജയിക്കുവാൻ  ഉള്ള ശക്തി  നൽകിയതും.

ഗുണപാഠം ——

ആത്മവിശ്വാസവും  ആത്മധൈര്യവും  ഉണ്ടെങ്കിൽ  മാത്രമേ  ജീവിതത്തിൽ വിജയിക്കുവാൻ  സാധിക്കുകയുള്ളു. നമക്ക്  നമ്മളിൽ  തന്നെ  വിശ്വാസം ഇല്ലെങ്കിൽആർക്കും  നമ്മെ സഹായിക്കുവാൻ  സാധിക്കുകയില്ല.

Shanta Hariharan

http://saibalsanskaar.wordpress.com

 

 

 

 

Rich man seeking peace of mind-  പണക്കാര  മനുഷ്യൻ  സമാധാനം  തേടുന്നു 

rich man

മൂല്യം —-സമാധാനം

ഉപമൂല്യം—-നന്ദി,  കിട്ടിയ  സൗഭാഗ്യങ്ങൾ  ഓർക്കുക
ഒരു  വലിയ  പണക്കാരന്  പണം  കൊണ്ട്  നേടിയെടുക്കാൻ  കഴിയുന്ന  എല്ലാ  സൗഭാഗ്യങ്ങളും  ഉണ്ടായിരുന്നുട്ടും  ജീവിതം  മടുത്തു .ഒരു  വിധ  തൃപ്തിയും  ഉണ്ടായില്ല . അയാൾ  സ്വന്തം  അധികാരം  കൊണ്ട്  വിശ്വാസയോഗ്യമായ  എന്തെങ്കിലും  കണ്ടെത്തുവാൻ  ആഗ്രഹിച്ചു. വലിയ  വലിയ ജ്ഞാനികളോടും  ഋഷിമാരോടും  അതിനു  വേണ്ടി  ചെയ്‌യേണ്ട  ആരാധനകളെയും  പ്രാർത്ഥനകളെയും  കുറിച്ച്  അന്വേഷിച്ചു .ഒടുവിൽ  ഒരു  ജ്ഞാനിയുടെ  അടുക്കൽ  പോയി  സങ്കടം  പറഞ്ഞു . പരിഹാരം  ചോദിച്ചു . തുടർന്ന്  അദ്ദേഹത്തെ  ശല്യപ്പെടുത്തി .” നിങ്ങൾ  എന്ത്  തരം  ജ്ഞാനിയാണ് ? എനിക്ക്  ശരിയായ  ഒരു  വഴി  കാണിക്കുവാൻ  സാധിക്കുന്നില്ല . എനിക്കാണെങ്കിൽ  24 മണിക്കൂറും ഇതിനു  വേണ്ടി  ചിലവഴിക്കുവാൻ  പറ്റും. എനിക്ക്  പണം  സമ്പാദിക്കുവാൻ  വേണ്ടി  ജോലി  ചെയ്‌യേണ്ട .കുറഞ്ഞത്  10 തലമുറക്കുള്ള  പണമുണ്ട് .കുട്ടികളുമില്ല . ഒടുവിൽ  അദ്ദേഹം  അയാളെ  ഒരു  ഭ്രാന്തൻ  സൂഫി  മാസ്റ്ററുടെ  അടുക്കലേക്കു  അയച്ചു.  പല  ഋഷിമാരും  അവരുടെ. ശിഷ്യന്മാരെ  ഒഴുവാക്കുവാൻ  വേണ്ടി  ഈ  സൂഫി  മാസ്റ്ററുടെ  അടുക്കലേക്കു  അയക്കുമായിരുന്നു . സൂഫി  മാസ്റ്റർ  കാണാൻ  ഭ്രാന്തനെ. പോലെ  തോന്നുമെങ്കിലും  വലിയ  ജ്ഞാനി  ആയിരുന്നു .
പണക്കാര  മനുഷ്യൻ  ഒരു  സഞ്ചി  നിറയെ  വൈരം , മാണിക്യം , മരതകം ,ഇന്ദ്രനീലം  എല്ലാം  കൊണ്ട്  സൂഫി  മാസ്റ്ററെ  കാണുവാൻ  പോയി .അദ്ദേഹം  ഒരു  മരച്ചുവട്ടിൽ  ഇരിക്കുകയായിരുന്നു .അയാൾ  സ്വന്തം  വിഷമങ്ങൾ  മുഴുവൻ  പറഞ്ഞു .എന്റ്റെ  അടുക്കൽ  ലോകത്തിലുള്ള  എല്ലാ  ഐശ്വര്യങ്ങളും  ഉണ്ട് . അത്  തെളിയിക്കാനാണ്  ഞാൻ  ഈ  രത്നങ്ങൾ  എല്ലാം  കൊണ്ട്  വന്നിരിക്കുന്നത് . ഇപ്പോൾ  എനിക്ക്  വേണ്ടത്  മനഃസമാധാനമാണ് .
സൂഫി  മാസ്റ്റർ  പറഞ്ഞു —-ഞാൻ  മനസമാധാനം  തരാം . തയ്യാറായിക്കോളു .  ഇദ്ദേഹം  ഒരു  വിചിത്ര  യോഗിയാണ് .ആരും  ഇത്ര  പെട്ടെന്ന്  തരാം  എന്ന്  പറയില്ല .മറ്റുള്ളവർ  വഴിപാടുകൾ  കഴിക്കുവാനും  പ്രാർത്ഥിക്കുവാനും  ആരാധന  ചെയുവാനും  ധ്യാനം  ചെയ്യുവാനും  സ്വയം  പ്രയത്നിക്കുവാനും  ഒക്കെ  പറഞ്ഞു . പക്ഷെ  ഈ ജ്ഞാനി —-ഒരു  സമയം  ഇദ്ദേഹം  ശരിക്കും. ഒരു  ഭ്രാന്തനായിരിക്കുമോ ?
സാധു  പിന്നെയും  പറഞ്ഞു.  വേഗം  തയ്യാറാവു . എന്റ്റെ  സമയം  നഷ്ടപ്പെടുത്തരുത് .
കുറച്ചു    വിസമ്മതത്തോടെ  അയാൾ  പറഞ്ഞു —-ഞാൻ. തയ്യാറാണ്.  അയാൾക്ക്‌. കുറച്ചു  പേടി  തോന്നി. പണക്കാരൻ  തയ്യാർ  എന്ന്  പറഞ്ഞതും  സൂഫി. മാസ്റ്റർ  രത്നങ്ങളുടെ  സഞ്ചിയും  കൊണ്ട്  ഓടി .അത്  ഒരു  ചെറിയ  ഗ്രാമമാണ് . സൂഫി. മാസ്റ്റർക്ക്  എല്ലാ  വഴികളും  നല്ലവണ്ണം  അറിയാമായിരുന്നു .പണക്കാരനും  പുറകെ. ഓടി .—-ഈ  മനുഷ്യൻ  ജ്ഞാനി  ഒന്നുമല്ല . . ഭ്രാന്തനുമല്ല. വലിയ  സമർത്ഥ്യക്കാരൻ  ആണ് . ഞാൻ  വഞ്ചിക്കപ്പെട്ടു എന്ന്  പറഞ്ഞുകൊണ്ട്  പണക്കാരനും  പുറകെ  ഓടി .സൂഫി  മാസ്റ്റർ  ഗ്രാമത്തിലെ  പല  വഴികളിലൂടെ  വളരെ  വേഗം  പോയി . പണക്കാരൻ വയസ്സനും  നല്ല  വണ്ണമുള്ളവനുമായിരുന്നു .അയാൾ  വിയർത്ത്  ശ്വാസംമുട്ടി  കരഞ്ഞു  കൊണ്ട്  ഓടുകയായിരുന്നു .ആളുകൾ  അയാളെ  നോക്കി  ചിരിക്കുന്നുണ്ടായിരുന്നു . എന്താ. ഇവരൊന്നും  എന്നെ  സഹായിക്കാതെ  ചിരിക്കുന്നത്  എന്ന്  അയാൾ  ആലോചിച്ചു .സന്യാസി  ഭ്രാന്തനൊന്നുമല്ല  വലിയ  ജ്ഞാനിയാണ് .കാര്യങ്ങൾ  ചെയ്യുന്നതിന്
അദ്ദേഹത്തിനായി  ഒരു  വഴിയുണ്ടെന്നു  അവർക്കെല്ലാം  അറിയാമായിരുന്നു .
ഒടുവിൽ  ആ  പണക്കാരൻ  അതെ  മരത്തിന്റെ  ചുവട്ടിൽ  വന്നു.  സൂഫി  മാസ്റ്റർ  സഞ്ചിയുമായി  അവിടെ. ഇരിക്കുന്നുണ്ടായിരുന്നു..അയാൾ  മാസ്റ്ററെ  കുറെ  ചീത്ത  പറഞ്ഞു .

നിറുത്തു . നിൻറ്റെ  സഞ്ചി  എടുത്തോളൂ —-സൂഫി  മാസ്റ്റർ  പറഞ്ഞു..പണക്കാരൻ  വേഗം  സഞ്ചി  എടുത്തു.
ഇപ്പോൾ  എങ്ങിനെയുണ്ട് ? —–സൂഫി. മാസ്റ്റർ  ചോദിച്ചു .
നല്ല  സമാധാനമുണ്ട്.—–അയാൾ. പറഞ്ഞു .
ഇപ്പോൾ  കാര്യം  മനസ്സിലായോ?
മനസ്സിലായി. അയാൾ  പറഞ്ഞു.
ഇനി  ആരോടും  ചെന്ന്  മനഃസമാധാനത്തെ  കുറിച്ച്  ചോദിക്കരുത്.  നിനക്ക്  നിൻറ്റെ  പണമാണ്  എല്ലാം  എന്ന  ഒരു  തോന്നൽ.  അത്  നഷ്ടപ്പെടാൻ  ഒരു അവസരം  തന്നു. അപ്പോൾ  നീ  ഒരു  ഭിക്ഷക്കാരനായി .  വിലപ്പിടിച്ച രത്നങ്ങൾ  ഇല്ലാതായി . സമാധാനം  നഷ്ട്ടപ്പെട്ടു . തിരികെ  കിട്ടിയപ്പോൾ  വീണ്ടും  വിലപിടിച്ചതായി  സമാധാനം കിട്ടി. അങ്ങിനെയാണ്  സംഭവിക്കുന്നത്
ഗുണപാഠം ——

–           വലിയ  വലിയ  കൊട്ടാരങ്ങളിൽ  താമസിക്കുന്നവർ  അതെല്ലാം  സ്വാഭാവികമായി  കരുതുന്നു .കഷ്ട്ടങ്ങളെയും  ദാരിദ്ര്യത്തെയും  കുറിച്ച്  ചിന്തിക്കുന്നില്ല .ഒരു  മാസ്റ്റർ  ഉണ്ടെങ്കിൽ  എല്ലാ  ചോദ്യങ്ങൾക്കും  ഉത്തരം  നൽകും  എന്ന്  കരുതുന്നു. കിട്ടുന്ന  സൗഭാഗ്യങ്ങളെ  സമ്മാനമായി  കരുതി  കാത്തു  സൂക്ഷിക്കുക .

Shanta Hariharan

http://saibalsanskaar.wordpress.com

Unconditional  love    നിബന്ധനയില്ലാത്ത  സ്നേഹം

 
മൂല്യം—-സ്നേഹം
ഉപമൂല്യം—-നിബന്ധനയില്ലാത്ത  സ്നേഹം,  സ്വീകരണം

love-uncon
ഒരു  വെള്ളിയാഴ്ച  രാവിലെ  ജോലിക്കു  പോകുവാൻ  തയ്യാറായപ്പോൾ  ഇന്ന്  ശമ്പളം  കൂട്ടിത്തരാനായി മേലധികാരിയോട് ചോദിയ്ക്കാൻ  നിശ്ചയിച്ചു  എന്ന്  ആൻഡ്രൂസ്  ഭാര്യയോട്  പ്രഖ്യാപിച്ചു . അന്ന്  മുഴുവൻ  എന്ത് സംഭവിക്കുമോ  എന്ന്  ആൻഡ്രൂസിന്  ആകാംക്ഷയും  പേടിയും തോന്നി.  കഴിഞ്ഞ  18  മാസങ്ങളായി  ആൻഡ്രൂസ് ബ്രേർ & ഹോപ്കിൻസ്  പരസ്യ  കമ്പനിക്ക്  വേണ്ടി  ജോലി  ചെയ്തു  നല്ല  ലാഭം ഉണ്ടാക്കി  കൊടുത്തു.
ലാർച്ചമണ്ടിന്റെ   ഓഫീസ് മുറിയിലേക്ക്  പോകുവാൻ  ആലോചിക്കുമ്പോൾ തന്നെ  ആൻഡ്രൂസിന്റെ മുട്ടുകൾ കൂട്ടിയിടിക്കുവാൻ  തുടങ്ങി. ഒടുവിൽ ഉച്ചക്ക് ഒരുവിധം  ധൈര്യം സമാഹരിച്ചു  അധികാരിയുടെ മുറിയിലേക്ക്  പോയി. വളരെ  മിതവ്യയിയായ  ഹാർവേ  ലാർച്ചമണ്ട് ആൻഡ്രൂസിന്  ശമ്പളം  കൂട്ടി തരാം  എന്ന് സമ്മതിച്ചപ്പോൾ  ആൻഡ്രൂസിന്  അതിശയവും  സന്തോഷവുമായി.
അന്ന്  വൈകുന്നേരം  ആൻഡ്രൂസ്  പട്ടണത്തിലെ  യാത്രാനിയമങ്ങളെ  ലംഖിച്ചു  അതിവേഗം  വണ്ടിയോടിച്ചു വീട്ടിലെത്തി. അവിടെ  അയാളുടെ  ഭാര്യ  ടീന  നല്ല  പീങ്ങാൻ  പാത്രങ്ങളിൽ  അയാൾക്ക്‌  ഇഷ്ട്ടമുള്ള  വിഭവങ്ങൾ ഉണ്ടാക്കി  ഒരു  സദ്യ ഒരുക്കിയിരുന്നു.  മെഴുകുതിരി  കത്തിച്ചു  വെച്ചിരുന്നു .  ഓഫീസിൽ. നിന്ന്  ആരോ  കാര്യം പറഞ്ഞിട്ടുണ്ടാവണം  എന്ന്  അയാൾക്ക്‌  മനസ്സിലായി      ആൻഡ്രൂസ്  ഉണ്  കഴിക്കാൻ  ഇരുന്നപ്പോൾ  തട്ടിൻറ്റെ അരികിൽ  ഒരു  ഭംഗിയുള്ള  കുറിപ്പ്  കണ്ടു.അത്  ഭാര്യ എഴുതിയതായിരുന്നു .
” എന്റ്റെ  പ്രിയപ്പെട്ട  ആൻഡ്രൂസിന്—–അഭിനന്ദനങ്ങൾ  നിങ്ങൾക്ക്  ശമ്പള  ഉയർവു  കിട്ടും  എന്ന്  എനിക്ക് ഉറപ്പായിരുന്നു.  എന്റ്റെ  അതീതമായ  സ്‌നേഹം പ്രകടിപ്പിക്കുവാനാണ്  ഞാൻ  ഈ  വിഭവങ്ങൾ  എല്ലാം തയ്യാറാക്കിയത്.  നിങ്ങളുടെ  കഴുവുകളിൽ  ഞാൻ  അഭിമാനിക്കുന്നു.”
അത്  വായിച്ച  ശേഷം  ഇത്ര  സ്നേഹമുള്ള  ഭാര്യയെ  ഒന്ന്  നോക്കി.ഊണ്  കഴിഞ്ഞു  മധുരപദാർത്ഥം എടുക്കുവാനായി  ആൻഡ്രൂസ്  അടുക്കളയിലേക്കു  പോയി. അവിടെ  ടീനയുടെ  പോക്കറ്റിൽ  നിന്ന്  ഒരു  കുറിപ്പ് താഴെ  വീഴുന്നത്  കണ്ടു. അയാൾ  കുനിഞ്ഞു അതെടുത്തു  വായിച്ചു.
” ശമ്പള  ഉയർവു  കിട്ടാത്തതിൽ  ദുഃഖിക്കരുത്. നിങ്ങൾ  അതിനു  അർഹനാണ്. നിങ്ങൾ  ഒരു  അത്ഭുത സംരക്ഷകനും  സ്നേഹമുള്ള  ഭർത്താവുമാണ്.  ശമ്പളഉയർവു  കിട്ടിയില്ലെങ്കിലും  ഞാൻ  നിങ്ങളെ  വളരെയധികം സ്നേഹിക്കുന്നു  എന്ന്  കാണിക്കാനാ  ഈ  സദ്യ  ഒരുക്കിയത്.”
പെട്ടെന്ന്  ആൻഡ്രൂസിന്റെ  കണ്ണുകൾ  നിറഞ്ഞു.  ഭാര്യ  ടീനയുടെ  പിന്തുണയും  സ്നേഹവും  അയാളുടെ ജോലിയുടെ  വിജയം  മാത്രം  നോക്കിയുള്ളതായിരുന്നില്ല.  നിബന്ധനയില്ലാത്ത  സ്വീകരണമായിരുന്നു  എന്നറിഞ്ഞ ആൻഡ്രൂസ്  വളരെ  സന്തോഷിച്ചു.
ഗുണപാഠം———

നമ്മുടെ  ജയ–പരാജയം കണക്കിലെടുക്കാതെ  ഒരു  നിബന്ധനയും കൂടാതെ  ആരെങ്കിലും  നമ്മെ സ്‌നേഹിക്കുമ്പോൾ  “ഉപേക്ഷിക്കുമോ “എന്ന പേടിയില്ലാതാകുന്നു. നിബന്ധനയില്ലാത്ത  സ്നേഹം കൊണ്ട്  നമുക്ക് സ്വന്തം ജീവിതത്തിലും മറ്റുള്ളവരുടെ  ജീവിതത്തിലും മാറ്റം വരുത്തുവാൻ  സാധിക്കും.
തർജ്ജമ—-ശാന്ത  ഹരിഹരൻ.

http://saibalsanskaar.wordpress.com

 

 

Two rabbits-രണ്ടു മുയലുകള് 

മൂല്യം—–ശരിയായ പെരുമാറ്റം

ഉപമൂല്യം—–അറിവ് പങ്കുവെക്കുക

2-rabbits

പണ്ട് മോനു സീന എന്ന് രണ്ടു മുയലുകൾ ഒരുമിച്ചു കറങ്ങുവാൻ ഇഷ്ടപ്പെട്ടിരുന്നു. ഒരിക്കൽ അങ്ങിനെ കറങ്ങി നടക്കുമ്പോൾ അവർ രണ്ടു കാരറ്റുകൾ കണ്ടു .ഒരു കാരറ്റിൽ വലിയ. ഇലകൾ മുളച്ചിരുന്നു. മറ്റേത് കുറച്ചു ചെറുതായിരുന്നു. വലിയ ഇലകൾ മുളച്ച കാരറ്റ് കണ്ടു മോനു സന്തോഷിച്ചു. ഞാൻ ഈ കാരറ്റ് എടുക്കാം എന്ന് മോന് അത് മണ്ണിൽ നിന്ന് പറിച്ചെടുത്തു സീന തോൾ കുലുക്കി ചെറിയ കാരറ്റ് പറിച്ചെടുത്തു. നോക്കിയപ്പോൾ അത് വലുതായിരുന്നു.

 

അതെങ്ങിനെ സാധ്യമാകും? മോനു അതിശയിച്ചു. കാരറ്റിൻറ്റെ ഇലകൾ കണ്ടു അതിന്റെ വലുപ്പം നിശ്ചയിക്കാൻ പറ്റില്ല.—സീന പറഞ്ഞു അവർ പിന്നെയും നടന്നു കൊണ്ടിരുന്നു. അപ്പോൾ ഒരു ജോടി കാരറ്റ് വ്യത്യസ്ത വലുപ്പത്തിലുള്ള ഇലകളോടെ കണ്ടു. ഇപ്പോൾ മോനു തൻറ്റെ സ്നേഹിതിയോടു ആദ്യം എടുക്കാൻ പറഞ്ഞു. സീന ചാടി–ചാടി രണ്ടു കാരറ്റും മണത്തു നോക്കി, വലിയ ഇലകൾ ഉള്ള കാരറ്റ് തിരഞ്ഞെടുത്തു. പറിച്ചെടുത്ത് നോക്കിയപ്പോൾ സീനയുടെ കാരറ്റ് വലുതായിരുന്നു.മോനുവിൻറ്റെ ചെറുതും.

 

ചെറിയ ഇലകളുള്ള കാരറ്റാണ് വലുതായിരിക്കും എന്ന് നീ പറഞ്ഞതായി ഞാൻ. വിചാരിച്ചു.—–മോനു പറഞ്ഞു.ഇല്ല. കാരറ്റിൻറ്റെ ഇലകൾ കണ്ടു വലുപ്പം തീർമാനിക്കാൻ പറ്റില്ല എന്നാണ് ഞാൻ പറഞ്ഞത്. നല്ലവണ്ണം നോക്കിയിട്ടു

തിരഞ്ഞെടുക്കണം.അവർ കാരറ്റ് തിന്നു. പിന്നെയും. നടക്കുവാൻ തുടങ്ങി. മൂന്നാമത്തെ. പ്രാവശ്യവും അവർ ഇതേപോലെ വലിയ–ചെറിയ. ഇലകളുള്ള രണ്ടു കാരറ്റുകൾ കണ്ടു. മോനുവിന് ഏതു കാരറ്റ് എടുക്കണം എന്ന് കുഴപ്പമായി. ഏതു വേണമെങ്കിലും തിരഞ്ഞെടുക്കാൻ പറഞ്ഞു. വിഡ്ഢിയായ ആ പാവം രണ്ടു കാരറ്റും പരിശോധിക്കുന്ന പോലെ അഭിനയിച്ചു.എന്ത് ചെയ്യണമെന്നു അറിയാതെ അവൻ സീനയുടെ മുഖത്തെക്കു നോക്കി.

സീന ചിരിച്ചു കൊണ്ട് ചാടി-ചാടി രണ്ടു കാരറ്റും പരിശോധിച്ച് അതിൽ ഒരു കാരറ്റ് പറിച്ചെടുത്തു. മോനു മറ്റേ കാരറ്റ് പറിക്കുവാൻ പോയപ്പോൾ ബുദ്ധിശാലിയായ സീന തടുത്തു. പറഞ്ഞു—” മോനു ഇതാണ് നിൻറ്റെ കാരറ്റ് ”

പക്ഷെ നീയാണ് അത് തിരഞ്ഞെടുത്തത് നീ എങ്ങിനെ അത് ചെയ്യുന്നത് എന്നറിയില്ല. നീ ശരിക്കും നല്ല മിടുക്കിയാണ്. മോനു വിവേകം ഉണ്ടായിട്ടു കാര്യമില്ല. നമ്മൾ അത് മറ്റുള്ളവരുമായിപങ്കുവെക്കണം. നീ എന്റ്റെ സുഹൃത്താണ്. അത് കൊണ്ട് ഈ കാരറ്റ് നീ തിന്നണം. ഒരു മുയൽ വയറു നിറച്ചു തിന്നിട്ട് കൂട്ടുകാർ ആരുമില്ലെങ്കിൽ അവൾ ബുദ്ധിശാലിയാണോ?

” നീ പറയുന്നത് ശരിയാണ്.” വായ് നിറയെ കാരറ്റുമായി മോനു പറഞ്ഞു

ഗുണപാഠം——— നമ്മൾ അറിവ് നേടുന്നതിനോടപ്പം അത് മറ്റുള്ളവർക്ക് പകർന്നു കൊടുക്കുവാൻ ശ്രമിക്കണം. നാം പഠിച്ചത് പങ്കുവെച്ചു മറ്റുള്ളവരെ സഹായിക്കുവാനും ഈ ലോകം ശാന്തിയും സമാധാനവുമുള്ള ഒരു സ്ഥലമായി മാറ്റുവാനുള്ള വിവേകം ഉണ്ടാകണം.

(. പേരുകൾ മാറ്റിയിരിക്കുന്നു )

Shanta Hariharan

http://saibalsanskaar.wordpress.com